Zidan bu millinin baş məşqçisi ola bilər

“Real”ın baş məşqçisi Zinəddin Zidanın işsiz günləri tezliklə başa çata bilər.

Futbolxeber.az saytının “RMC Sport”ə istinadən verdiyi məlumata görə, Əlcəzair Futbol Federasiyası (FAF) onun xidmətində maraqlıdır. Lakin 51 yaşlı mütəxəssis Əlcəzair millisindən gələn ilk təklifi geri çevirib. Zidanın bu addımı Fransa millisini çalışdırmaq istəyi ilə əlaqələndirilir.

“L'Equipe” isə yazır ki, Əlcəzair Futbol Federasiyası tezliklə Zidana ikinci dəfə təklif göndərəcək. Budəfəki təklifin maddi şərtləri daha yüksək olacaq. Bildirilir ki, əslən Əlcəzairdən olan Zidanın qohumları da onu razı salmağa çalışırlar.

Qeyd edək ki, Zidan 2021-ci ilin yayında “Real”dan ayrılıb.

Əlavə edək ki, Əlcəzair millisi 24 yanvarda Camel Belmadi ilə yollarını ayırıb. Onun rəhbərliyi altında komanda Afrika Millətlər Liqasında qrupda qalıb.