“Neftçi”nin baş məşqçisi erməni futbolçunu ilin ən yaxşısı seçdi

“Neftçi”nin baş məşqçisi Miodraq Bojoviç yekunlaşmaqda olan 2023-cü ildə Rusiya Premyer Liqasında hansı futbolçunu ən yaxşı hesab etməsi barədə sualı cavablandırıb.

Futbolxeber.az saytının məlumatına görə, Sport24.ru-nun sualını cavablandıran monteneqrolu mütəxəssis “Krasnodar”ın yarımmüdafiəçisi Eduard Spertsyanı fərqləndirib:

“Rusiya Premyer Liqasında ilin futbolçusu Eduard Spertsyandır. Burda düşünməli nə var ki? Mümkündür ki, Spertsyan Rusiyadan Avropaya yollanacaq növbəti futbolçu olacaq. O, İviçin gəlişinə qədər də səviyyəsini nümayiş etdirmişdi. Lakin hesab edirəm ki, İviçin gəlişindən sonra  onun dəstəyini hiss edən Eduard özünü daha yaxşı göstərdi. Hər zaman futbolçunun inkişafında məşqçinin əməyi var”.

Qeyd edək ki, Bojoviçin fərqləndirdiyi 23 yaşlı erməni futbolçu bu mövsüm “Krasnodar”ın heyətində meydana çıxdığı 21 matçda 8 qol və 4 məhsuldar ötürmə müəllifi olub.