Konfrans Liqası: Mahir xilaskar ola bilmədi

Azərbayan millisinin üzvü Mahir Emrelinin formasını geyindiyi "Dinamo" (Zaqreb) Konfrans Liqasının qrup mərhələsində 2-ci tur oyununa çıxıb.

Futbolxeber.az saytının məlumatına görə, C qrupunda mübarizə aparan komanda səfərdə "Balkani" ilə üz-üzə gəlib. Oyun  meydan sahiblərinin 2:0 hesablı qələbəsi ilə başa çatıb. Matçın 46-cı dəqiqəsində, hesab 1:0 olarkən meydana çıxan Mahir Emreli 80-ci dəqiqədə sarı vərəqə ilə cəzalandırılıb.

Bu qrupun digər matçında isə "Astana" evdə "Viktoriya"ya uduzub - 1:2.

Qeyd edək ki, ilk turda "Dinamo" "Astana"ya qalib gəlib, "Balkani" isə "Viktoriya"ya uduzub.

2 turdan sonra “Viktoriya” 6 xalla qrup lideridi. “Balkani” 3 xalla ikinci, “Dinamo” isə üçüncü pillədə qərarlaşıb.