Arnautoviç millimizə qarşı oynamayacaq

Avstriya yığmasının aparıcı futbolçusu Marko Arnautoviç AVRO-2024-ün seçmə mərhələsində Belçika və Azərbaycan millisi ilə oyunları buraxacaq.

Futbolxeber.az saytının məlumatına görə, 34 yaşlı hücumçunun “İnter”in heyətində İtaliya A seriyasının V turunda “Empoli” (1:0) ilə matçda zədələnməsi buna səbəb olub.

Tibbi müayinə zamanı Arnautoviçin sol budunda orta dərəcədə əzələ gərginliyi aşkar edilib. Onun təxminən iki ay yaşıl meydanlardan uzaq qalacağı açıqlanıb. Forvard bir neçə həftə sonra yenidən tibib yoxlanışdan keçəcək.

Qeyd edək ki, Avstriya yığması oktyabrın 13-də Belçika ilə evdə, üç gün sonra isə Azərbaycanla Bakıda qarşılaşacaq.