Zaqreb “Dinamo”su baş məşqçisiz qaldı

Azərbaycan millisinin üzvü Mahir Emrelinin də çıxış etdiyi "Dinamo" (Zaqreb, Xorvatiya) baş məşqçisi İqor Bişçanla yolları ayırıb.

Futbolxeber.az-ın məlumatına görə, bu barədə klubun saytı açıqlama yayıb. Zaqreb təmsilçisi 45 yaşlı mütəxəssislə müqaviləyə xitam verildiyini bildirib.

Qeyd edək ki, Bişçan aprelin 6-da bu vəzifəyə təyin olunmuşdu. Komanda onun baş məşqçiliyi altında çıxdığı 17 matçın 10-da qələbə qazanıb, 5 dəfə məğlub olub və 2 dəfə heç-heçə edib.