Komandası qalib gəldi, Krivotsyuk “fərqləndi”

Cənubi Koreya çempionatın 24-cü turun oyunlarına yekun vurulub.

Futbolxeber.az saytının məlumatına görə, milli komandamızın müdafiəçisi Anton Krivotsyukun formasını geydiyi “Daejeon” öz meydanında “Daequ”nu qəbul edib. Matç Krivotsyukun komandasının 1:0 hesablı qələbəsi ilə yekunlaşıb. Qələbə gətirən yeganə qolu qarşılaşmanın 63-cü dəqiqəsində Bae Joon-Ho vurub.

Anton Krivotsyuk meydana start heyətində çıxıb və görüşü əvəzolunmadan keçirib. Millimizin müdafiəçisi 66-cı dəqiqədə sarı vərəqə ilə cəzalanıb.

“Daejeon” 6 turdan sonra ilk qələbəsini qazanmaqla xallarının sayını 33-ə çatdırıb və turnir cədvəlində 6-cı pilləyə yüksəlib.

Qeyd edək ki, Cənubi Koreya çempionatının reqlamentinə əsasən, 3 dövrəlik mübarizədən sonra komandalar iki qrupa ayrılırlar. İlk altılıqda qərarlaşanlar medallar uğrunda, ikinci altılıq isə liqada qalmaq uğrunda mübarizə aparır.