İlkay Gündoğan: “Barselona” - bu, reallığa çevrilən arzumdu”

İlkay Gündoğan “Barselona”ya keçidini şərh edib.

Futbolxeber.az saytının “Mundo Deportivo”ya istinadən verdiyi məlumata görə, türk əsilli futbolçu bildirib ki, Kataloniya klubunun formasını geymək onun arzusu idi:

“Nəhayət ki, “Barselona”da olduğum üçün şadam. Əla mövsüm keçirməyi arzulayıram. İlk oyunumu səbirsizliklə gözləyirəm. “Barselona” - bu, reallığa çevrilən arzumdu. Uşaq vaxtı “Barselona”nın oyunlarını izləyirdim. Raykard və Qvardiolanın çıxışına heyranlıqla tamaşa edirdim. Mən bu komandanın azarkeşiyəm. Fəxr edirəm ki, indi də katalonların bir parçasına çevrildim”.

Qeyd edək ki, “Mançester Siti”dən ayrılan Gündoğan yeni klubuna azad agent kimi qoşulub. O, “Barselona” ilə 2 illik müqaviləyə imza atıb.