"Maurinyonun titulları onun əvəzinə danışır"

Argentina millisinin sabiq üzvü Ernan Krespo "Real"ın bazasında olub. Futbolxeber.az xəbər verir ki, sabiq futbolçu bazada olduğu müddətdə "Malyorka" ilə oyuna hazırlaşan "Real"ın məşqini izləyib, baş məşqçi Joze Maurinyonun iş prinsipinə yaxından bələd olub. Hazırlıq prosesindən sonra isə Krespo Madrid klubunun rəsmi internet saytına açıqlama verib: "Mən gələcəkdə məşqçi olmağı planlaşdırıram. Bu səbəbdən də keçmiş baş məşqçilərimin iş prinsipini izləyir, daha çox təcrübə toplamağı planlaşdırıram. Allaha şükürlər olsun ki, karyeram ərzində bir çox güclü mütəxəssislərlə birgə çalışmışam. Onlarda biri də məhz Maurinyodu. O dahidi. Qazandığı titullar onun əvəzinə danışır. O əsl lider və əla insandı. Maurinyo ilə birgə işləmək çox xoşdur. Çünki hər oyunçu onunla söhbət etdikdən sonra özünü mühüm futbolçu hesab edir".