“Leypsiq”in “Mançester Siti”dən tələbi: 100 milyon avrodan daha artıq

“Leypsiq”in direktoru Mark Eberl müdafiəçi Yoşko Qvardiolun satışı ilə bağlı “Mançester Siti” ilə danışıqlar apardıqlarını təsdiqləyib.

Futbolxeber.az saytının məlumatına görə, klub rəsmisi xorvat futbolçunu 100 milyon avrodan aşağı qiymətə satmayacaqlarını vurğulayıb:

“Qvardiol “Mançester Siti”yə transfer olmaq istəyir. Hazırda biz qarşı tərəflə danışıqlar aparırıq. Əgər 100 milyon avro, üstəgəl, bonuslar əldə etsək, o zaman Qvardiol əmin əllərdə olacaq. Bu keçid onu dünyanın ən bahalı müdafiəçisi edəcək”.

Qeyd edək ki, 2021-ci ilin iyulundan “Leypsiq”də çıxış edən xorvat futbolçu son mövsüm bütün turnirlər nəzərə alınmaqla 41 matçda 3 qol vurub.

Futbolxeber.az-ın teleqram kanalına abunə olun