“Fənərbaxça”nın legionerlərinin Rusiyadakı turnirə qatılmaqlarında problem yoxdu

"Fənərbaxça”nın legionerlərinin Sankt-Peterburqda keçiriləcək və “Neftçi”nin də qatılacağı beynəlxalq “Matç TV Kuboku” turnirində iştirak etmək istəməmələri barədə yayılan xəbər təkzib olunub.

Futbolxeber.az saytının məlumatına görə, İstanbul klubunun üzvü Emre Morun meneceri Nima Modir “Sport-Ekspress”ə açıqlamasında deyilənləri yalanlayıb:

“Belə bir məsələ yoxdu. Ona görə də olmayan şeyi necə şərh edək?”

Türkiyə kubunun hücumçusu Dieqo Rossinin meneceri Kia Curabçian məsələyə belə münasibət bildirib:

“Məndə “Fənərbaxça”nın legionerlərinin Rusiyaya yollanmaq istəməmələri barədə hər hansı məlumat yoxdu. O cümlədən də Rossi bu barədə heç nə deməyib”.

Joau Pedronun meneceri Marko Piççoli də müştərisinin Rusiyaya yollanmaq barədə hər hansı bir narazılığının olmadığını vurğulayıb:

“Bu barədə Joao Pedrodan heç nə eşitməmişəm”.

Qeyd edək ki, bu gün yeni transfer Edin Dzeko başda olmaqla “Fənərbaxça”nın legionerlərinin Sankt-Peterburqdak turnirə yollanmaq istəməmələri barədə məlumat yayılıb.

Xatırladaq ki, 1-15 iyul aralığında keçiriləcək “Matç TV” kubokunda “Neftçi” və “Fənərbaxça” ilə yanaşı, “Zenit” və “Srvena Zvezda” iştirak edəcək.

Futbolxeber.az-ın teleqram kanalına abunə olun