“Liverpul” 300 milyon avroya Mbappeni transfer edə bilər

“Liverpul” PSJ-nin hücumçusu Kilian Mbappe uğrunda “Real”la mübarizə aparacaq.

Futbolxeber.az saytının məlumatına görə, bu iddia ilə “Marca” qəzeti çıxış edib. Bildirilir ki, İngiltərə təmsilçisi 24 yaşlı futbolçu üçün 300 milyon avro ödəməyə hazırdı.

O da qeyd edilir ki, Qətər əmiri Tamim ibn Hamad Al Tani, PSJ-nin sahibi Mbappenin klubla müqaviləsini uzatmamaq qərarını narazılıqla qarşılayıb. Paris klubunun rəhbərliyi Mbappenin sözləşməsini yeniləyəcəyinə arxayın idi.

Qeyd edək ki, bu günlərdə “Real”ın 250 milyon avroya Mbappeni transfer edəcəyi barədə xəbərlər yayılıb.  

Əlavə edək ki, PSJ Mbappeni 2018-ci ildə “Monako”dan 180 milyon avroya transfer edib.

Futbolxeber.az-ın teleqram kanalına abunə olun