“Ayaks”da yeni baş məşqçi təyinatı

“Ayaks”ın yeni baş məşqçisi müəyyənləşib.

Futbolxeber.az saytının məlumatına görə, Amsterdam klubunu bundan sonra Moris Steyn çalışdıracaq.

49 yaşlı mütəxəssislə 3 illik müqavilə imzalanıb. Steyn bu vəzifədə bu ilin fevralından komandanı çalışdıran Con Heytinqanı əvəzləyib.

Qeyd edək ki, “Ayaks”a gələnə kimi niderlandlı mütəxəssis son olaraq “Sparta”da işləyib. Onun rəhbərliyi altında komanda son mövsüm Niderland çempionatında altıncı yeri tutub.