“Çelsi” “Mançester Yunayted”in 40 milyonluq təklifinə “yox” dedi

“Mançester Yunayted” Meyson Mauntun transferi üçün “Çelsi”yə rəsmi təklif göndərib.

Futbolxeber.az saytının “Daily Telegraph”a istinadən verdiyi məlumata görə, “Qırmızı şeytanlar” 24 yaşlı futbolçunun keçidi üçün 40 milyon funt-sterlinq təklif edib. Lakin “Çelsi” bu təklifi mənfi cavablandırıb. Çünki London klubu Mauntun satışından daha çox gəlir əldə etməyi planlaşdırır.  

Qeyd edək ki, “Çelsi”nin yetirməsi olan Maunt son mövsüm 35 matçda 3 qol vurub, 6 məhsuldar ötürmə verib.