Kante Belçika klubunun sahibi ola bilər

“Çelsi”nin yarımmüdafiəçisi N`Qolo Kante tezliklə klub sahibi ola bilər.

Futbolxeber.az saytının xarici KİV-ə istinadən verdiyi məlumata görə, fransız futbolçu Belçikanın ikinci liqa təmsilçisi “Virton”la yaxından maraqlanır.

Bu günlərdə 32 yaşlı futbolçu klubun infrastrukturu ilə yaxından tanış olub, eləcə də “Virton”un hazırkı sahibi Flavio Beke ilə görüşüb. Tərəflər arasında ilk görüşün uğurlu alındığı bildirilir.

Qeyd edək ki, son günlər Kantenin də karyerasını Səudiyyə Ərəbistanı da davam etdirməyə yaxın olduğu, onun da Kərim Benzema kimi, “Əl-İttihad”a transfer olunacağı qeyd olunur.