“Mançester Siti” ÇL-i qazanan altıncı İngiltərə klubu oldu

“Mançester Siti” tarixində ilk dəfə Çemponlar Liqasının qalibi olub.

Futbolxeber.az saytının məlumatına görə, İstanbulda baş tutan həlledici qarşılaşmada “şəhərlilər” “İnter”i 1:0 hesabı ilə üstələyib.

Bununla da, “Mançester Siti” qitənin 1 nömrəli klub turnirini qazanan sayca altıncı İngiltərə klubu olub. Daha əvvəl bu ölkə təmsilçilərindən “Mançester Yunayted”, “Liverpul”, “Çelsi”, “Nottingem Forest” və “Aston Villa” turniri qazanıb.

Qeyd edək ki, “Mançester Siti” tarixində ilk dəfə finala 2021-ci ildə çıxıb. Həmin vaxt Qvardiolanın komandası “Çelsi”yə 0:1 hesabı ilə uduzub.