Klopp: “Ümid edirəm ki, “Borussiya” çempion olacaq”

“Liverpul”un baş məşqçisi Yurgen Klopp Bundesliqadakı çempionluq mübarizəsi barədə danışıb.

Futbolxeber.az saytının məlumatına görə, alman mütəxəssis sabiq klubu Dortmund “Borussiya”nın qızıl medallara sahib çıxmasını arzuladığını bildirib: “Ümid edirəm ki, “Borussiya” çempion olacaq. Mən bilirəm ki, bu, Dortmund üçün çempionluq nə deməkdi”.

Qeyd edək ki, son tur öncəsi “Borussiya” 70 xalla liderdi. “Bavariya” 68 xalla ikinci pillədədi. Bu gün keçiriləcək son tur çərçivəsində Dortmund klubu öz meydanında “Maynts”ı qəbul edəcək. “Bavariya” isə səfərdə “Köln”ün qonağı olacaq.