Klopp onun “Liverpul”dan gedişini təsdiqlədi

“Liverpul”un baş məşqçisi Yurgen Klopp Artur Melonun mövsümün sonunda komandadan ayrılacağını təsdiqləyib.

Futbolxeber.az saytının məlumatına görə, alman mütəxəssis braziliyalı futbolçunun işinin peşəkarı olduğunu vurğulayıb:

“Arturun icarə müddəti başa çatır. Mən ona gələcək karyerasında uğurlar arzulayıram. Melonun peşəkarlığı və bacarığı onunla işləyən hər bir kəsə aydındı”.  

Qeyd edək ki, Artur Melo ötən yay 1 illiyinə “Yuventus”dan icarə əsasında “Liverpul”a cəlb olunub. Braziliyalı futbolçu zədə səbəbindən “Qırmızılar”ın heyətində cəmi 13 dəqiqə meydanda olub.