Donnarumma: “Əminəm ki, PSJ Çempionlar Liqasını qazanacaq”

PSJ-nin qapıçısı Canluici Donnarumma komandasının Çempionlar Liqasındakı çıxışı barədə danışıb.

Futbolxeber.az saytının “Telefoot”a istinadən verdiyi məlumata görə, italiyalı qolkiper komandasının növbəti mövsümdə qitənin 1 nömrəli klub turnirində daha yaxşı çıxış edəcəyini inandığını bildirib:

“Biz bu il sona kimi turnirdə irəliləmək istəyirdik. Lakin təəssüf ki, alınmadı. Amma təslim olmaq olmaz. Əminəm ki, gec, ya tez, biz Çempionlar Liqasını qazanacağıq. Klub və fanatlarımız buna layiqdi. Biz Avropada zirvəyə yüksəlmək üçün lazım olan hər şeyi etməliyik. Bəzən gözlənilməz uğursuzluqla üzləşirsən. Futbolda bütün bunlar normal haldı”.  

Xatırladaq ki, PSJ 1/8 finalda hər iki oyunda “Bavariya”ya uduzaraq mübarizəni dayandırıb.