Renat “Qrasshopers”i məğlubiyyətdən xilas edə bilmədi

İsveçrə çempionatında 34-cü turun oyunlarına yekun vurulub.

Futbolxeber.az saytının məlumatına görə, millimizin hücumçusu Renat Dadaşovun formasını geydiyi “Qrasshopers” səfərdə “Sürix”in qonağı olub. Matç həmyerlimizin komandasının 1:2 hesablı məğlubiyyəti ilə yekunlaşıb.

Görüşə ehtiyat oyunçular skamyasından başlayan Renat 60-cı dəqiqədə Meritan Şabaninin əvəzinə meydana çıxıb. Həmin vaxt “Qrasshopers” hesabda geridə olsa da, Dadaşov komandasını məğlubiyyətdən xilas edə bilməyib.

Bu yenilgidən sonra əvvəlki kimi 43 xalda qalan “Qrasshopers” altıncı pillədə qərarlaşıb. Bugünkü yenilgidən sonra Renatın komandası Konfrans Liqasına vəsiqə verən 4-cü yeri tutmaq şansını xeyli çətinləşdirib. Çünki sonra 2 tur qalmış “Qrasshopers” 4-cü pillədəki “Lütsern”dən 4 xal geri qalır.