“Bayer”in müdafiəçisi uğrunda “Mançester Yunayted”, “Bavariya” və “Barselona” mübarizə aparır

“Mançester Yunayted”, “Bavariya” və “Barselona” “Bayer Leverkuzen”in müdafiəçisi Ceremi Frimponqu heyətində görmək istəyir.

Futbolxeber.az saytının Almaniya mətbuatına istinadən verdiyi məlumata görə, 22 yaşlı futbolçunun meneceri hər üç klubun nümayəndələri ilə görüşüb. İddia olunur ki, Frimponq özü “Mançester Yunayted”də formaya geymək arzusundadı.

Qeyd edək ki, gənc müdafiəçi cari mövsüm “Bayer Leverkuzen”də 26 maçda forma geyib, 8 qol vurub. Onun hazırkı klubu ilə hələ 2 illik qüvvədə olan müqaviləsi var.