“O, de Bruyne ilə birgə son illəri ən yaxşısıdı”

“Liverpul”un sabiq futbolçusu Ceymi Karrager komandanın müdafiəçisi Vircil van Deykin oyunu barədə danışıb.

Futbolxeber.az saytının məlumatına görə, Karrager bildirib ki, son zamanlar bir qədər zəif təsir bağışlamasına baxmayaraq, niderlandlı futbolçu son illər İngiltərə Premyer Liqasının ən yaxşılarından biridi:  

“Rio Ferdinand və Con Terri kimi müdafiəçilərin də karyerasında eniş olub. İndi eyni şeyi van Deyk yaşayır. O, təkcə son illərin ən yaxşı müdafiəçisi deyil. Van Deyk de Bruyne ilə birgə son illər Premyer Liqanın ən yaxşı futbolçusudu. Daha əvvəl biz hansısa mərkəz müdafiəçisini liqanın ən yaxşısı hesab eləmirdik. Təkcə elə bu fakt van Deykin səviyyəsini göstərir”.