Aspilikueta: “Biz “Real” düşündüyündən daha güclüyük”

“Çelsi”nin müdafiəçisi Sezar Aspilikueta Çempionlar Liqasının 1/4 finalında “Real”a qarşı keçirəcəkləri oyun barədə danışıb.

Futbolxeber.az saytının məlumatına görə, ispan futbolçu rəqibə hörmətlə yanaşdıqlarını bildirib:

“Biz “Real” düşündüyündən daha güclüyük. Son çempiona qarşı mübarizə aparacağıq. Ona görə də bütün gücümüzü meydanda qoymalıyıq. Rəqibin təcrübəsi çoxdur. Bütün rəqiblərlə hörmətlə yanaşırıq. “Real”ın necə rəqib olduğu hər kəsə məlumdu. Ona görə də ən xırda məqama belə diqqət etməliiyik”.

Xatırladaq ki, “Real” və “Çelsi” arasında ilk oyun aprelin 12-də Madriddə keçiriləcək. Qarşılaşma Bakı vaxtı ilə 23:00-da start götürəcək.