Gündoğan gələcək karyerası barədə: “Hələlik heç nə məlum deyil”

İlkay Gündoğan mövsümün sonunda “Mançester Siti”dən ayrılacağı barədə yayılan xəbərlərə aydınlıq gətirib.

Futbolxeber.az saytının məlumatına görə, türk futbolçu hazırda gələcək karyerasının qeyri-müəyyən olduğunu bildirib:

“Arxa planda danışıqlar gedir. İndi detallara varmaq istəmirəm. Yalnız onu deyə bilərəm ki, hələlik heç nə məlum deyil. Hər hansı yenilik olsa, mətbuat dərhal bundan xəbər tutacaq”.

Qeyd edək ki, 32 yaşlı futbolçunun “Mançester Siti” ilə müqaviləsi mövsümün sonunda bitir. Futbolçunun karyerasını “Barselona”da davam etdirəcəyi barədə xəbərlər yayılıb.