Özbəkistan çempionatının oyununda dava düşdü

Özbəkistan Superliqanın 6-cı turu çərçivəsində “Bunedkor” və “Nasaf” arasında keçirilən matçda (1:1) qalmaqal baş verib.

Futbolxeber.az saytının məlumatına görə, hakimin final fitindən sonra 2 klubun futbolçuları arasında dava düşüb. Klub nümayəndələrinin də insidentə qarışması nəticəsində insident böyüyüb. Ümumilikdə 40-50 nəfər davanın iştirakçısı olub.

Özbəkistan Futbol Assosiasiyası yaydığı açıqlamada insidentin araşdırıldığını bildirib. Assosiasiyanın İntizam Komitəsi qalmaqalın iştirakçılarının ən sərt şəkildə cəzalanacağını açıqlayıb.

Qeyd edək ki, 6 turdan sonra turnir cədvəlində “Bunedkor” 14 xalla ikinci, “Nasaf” isə 11 xalla altıncıdı.