Ançelotti: “Kroosun karyerasını “Real”da bitirməsini gözləyirəm”

“Real”ın baş məşqçisi Karlo Ançelotti Toni Kroosun klubla müqaviləsini yeniləməsi barədə danışıb.

Futbolxeber.az saytının məlumatına görə, italiyalı mütəxəssis bildirib ki, Kroosun karyerasını məhz “Kral klubu”nda başa vuracağını gözləyir:

“Kroos klubun əfsanəsidi. O, yüksək səviyyəli futbolçudu. Təbii ki, onun klubla müqaviləsini yeniləyəcəyinə əmin idim. Mən ümumiyyətlə, Kroosun karyerasını “Real”da bitirməsini gözləyirəm”.

Qeyd edək ki, 33 yaşlı futbolçu bu günlərdə “Real”la müqaviləsini 2024-cü ilin yayına kimi uzadıb. Kroos 2014-cü ildən Madrid təmsilçisində çıxış edir. 9 il ərzində alman yarımmüdafiəçi 405 matçda forma geyib, 27 qol vurub, 88 məhsuldar ötürmə verib.