Rusiya klubları “Beşiktaş”ı hücumçusu ilə maraqlanır?

“Beşiktaş”ın baş direktoru Ceyhun Kazançı Rusiya klublarının komandanın hücumçusu Cekson Muleklə maraqlanması haqda yayılan xəbərlərə münasibət bildirib.

Futbolxeber.az saytının məlumatına görə, klub rəsmisi “Sport Ekspress”ə açıqlamasında yayılan xəbərlərin həqiqəti əks etdirmədiyini vurğulayıb:

“Bu, feyk xəbərdi. Rusiya klublarının Muleklə maraqlanması haqda deyilənlər yalnız şayiədi. Bu ana qədər nə bizə, nə də futbolçunun menecerinə hər hansı klub tərəfindən təklif gəlməyib”.

Qeyd edək ki, daha əvvəl “Standard”, “Kasımpaşa” kimi klublarda forma geyən Mulek bu mövsüm “Beşiktaş”ın heyətində meydana çıxdığı 24 görüşdə 4 dəfə fərqlənib.