Klopp “Tottenhem” üzərində qələbədən danışdı

“Liverpul”un baş məşqçisi Yurgen Klopp İngiltərə Premyer Liqasının 34-cü turunda “Tottenhem” üzərində qazanılan 4:3 hesablı qələbədən danışıb.

Futbolxeber.az saytının məlumatına görə, “Sky Sports”un efirində alman mütəxəssis komandasının ilk yarıda ideal futbol nümayiş etdirdiyini bildirib:

“İlk hissədə biz ən yaxşı oyunumuzu sərgilədik. Amma hissənin sonunda qapımızda qol gördük. Rəqibin fərqlənməsi zamanı müdafiədə diqqətsizliyə yol verdik. Qəribədir ki, hesabdan asılı olmayaraq, “Tottenhem” oyun tərzini dəyişmir. Hətta 1:3 hesabda geri olarkən belə, onlar arxaya çəkilib əks-hücumlara bel bağlayırdılar. Matçın sonunda hər şey korlanmışdı. Hətta qələbənin əlimizdən çıxdığını belə düşünürdüm. Amma Jotanın qolu sayəsində bizim üçün hər şey yaxşı qurtardı. 3 gündən sonra növbəti oyunumuz var. Daha yaxşı oynamalı və bugün müdafiədə buraxdığımız səhvlərə yol verməməliyik”.