Rivaldo: “O, “Barselona”ya keçsə, Levandovskinin əvəzləyicisi olacaq”

Ötənlərin məşhur futbolçusu Rivaldo “Livepul”un hücumçusu Roberto Firminonun “Barselona”ya mümkün keçidi barədə danışıb.

Futbolxeber.az saytının “Goal”a istinadən verdiyi veteran futbolçu bildirib ki, 31 yaşlı forvard əsas heyətdə yer alacağı kluba getməlidi:

“İnanıram ki, digər braziliyalı futbolçular kimi, Firmino da “Barselona”da forma geymək arzusundadı. Amma ilk növbədə o, komandada hansı rolda olacağını dəqiqləşdirməlidi. Çünki Xavi adətən 1 hücumçu ilə oynayır. Həmin yeri isə Robert Levandovski tutur.  Böyük ehtimalla, Firmino ehtiyat oyunçu olacaq. Təbii ki, “Barselona”da oynamaq arzudu. Lakin Roberto əsas heyətdə çıxış edəcəyi kluba getməlidi”.

Qeyd edək ki, cari mövsümün sonunda Firmino 2015-ci ildən çıxış etdiyi “Liverpul”dan azad agent kimi ayrılacaq.