Ançelotti: “Almeriya”ya qarşı ən yaxşı oyunumuzu göstərməliyik”

“Real”ın baş məşqçisi Karlo Ançelotti La Liqanın 32-ci turunda “Almeriya”ya qarşı keçirəcəkləri oyun barədə danışıb.

Futbolxeber.az saytının məlumatına görə, italiyalı mütəxəssis komandasından yaxşı oyun gözlədiyini bildirib:

“Son turda “Jirona”ya qarşı zəif oynadıq. Ona görə də “Almeriya” ilə matçda ən yaxşı futbolumuzu sərgiləməliyik. Etiraf edim ki, bu mövsüm La Liqada lazımi səviyyədə çıxış etmədik. Buna görə də, indi ölkə çempionatında konsentrasiya problemi yaşayırıq. La Liqadakı uğursuzluğu ölkə kuboku və Çempionlar Liqasında unutdurmalıyıq”.

Xatırladaq ki, aprelin 29-da keçiriləcək “Real” - “Almeriya” oyunu Bakı vaxtı ilə 20:30-da start götürəcək.