Martines: “Aston Villa”da xoşbəxtəm”

“Aston Villa”nın qapıçısı Emiliano Martines gələcəyi barədə danışıb.

Futbolxeber.az saytının məlumatına görə, argentinalı Birmingemdəki durumundan razılığını ifadə edib:

“Aston Villa” böyük klubdu. Birmingemdə çıxış etməkdən şərəf duyuram. Burada hər şey ürəyimcədi. Ona görə də klubumu dəyişmək barədə düşünmürəm. Əksinə, bir neçə argentinalı dostumun da bura gəlməsi üçün əlimdən gələni edəcəm”.

Qeyd edək ki, 30 yaşlı qolkiper 2020-ci ildə “Arsenal”dan “Aston Villa”ya keçib. Geridə qalan müddətdə o, Birmingem klubunda 109 matçda forma geyib, 39 görüşdə qapısını toxunulmaz saxlayıb.