Klopp: “Ötən illə müqayisədə məşqçi kimi geriləməmişəm”

“Liverpul”un baş məşqçisi Yurgen Klopp komandasının hazırkı durumu barədə danışıb.

Futbolxeber.az saytının məlumatına görə, alman mütəxəssis ötən mövsümlə müqayisədə gerilədiklərini düşünmür:

“İndi elə bir məqamdır ki, həqiqətən də bir çox şey yaxşı deyil. Uğursuz zolağa düşürsən və ordan çıxmaq heç də asan olmur. Ötən illə müqayisədə məşqçi kimi gerilədiyimi düşünmürəm. Eləcə də eyni fikri futbolçularım barədə deyə bilərəm. Bəli, cari mövsüm nəticələrimiz ürəkaçan deyil. Bəzi matçlarda çox bərbad çıxış etmişik. İndidən gələn mövsüm barədə danışmaq tezdi. Həm də azarkeşlər və mətbuat üçün bizim nəticələrimiz daim kifayət etmir. Əgər məsələyə düzgün yanaşsaq, əlbəttə ki, növbəti mövsümdə daha güclü “Liverpul” görəcəksiniz”.

Qeyd edək ki, 28 oyuna 43 xal toplayan “Liverpul” turnir cədvəlində səkkizinci yeri tutur.