Kompani: “Premyer Liqaya belə tez yüksələcəyimizi gözləmirdik”

“Bernli”nin baş məşqçisi Vensan Kompani komandasının növbəti mövsüm üçün Premyer Liqaya vəsiqəni rəsmiləşdirməsini şərh edib.

Futbolxeber.az saytının məlumatına görə, belçikalı mütəxəssis ilk 2 yerdən birini belə tez təmin edəcəklərini gözləmədiyini bildirib:

“Açığı, Premyer Liqaya vəsiqəni belə tez rəsmiləşdirəcəyimizi gözləmirdik. Hazırda Pasxadı, 7 oyunumuz qalıb, amma biz artıq qələbəmizi bayram edirik. Heç kəs bunun belə erkən olacağını gözləmirdi. Bəli, Premyer Liqaya vəsiqə qazanmaq bizim hədəfimiz idi. Buna nail olduq. Təbii ki, bu, heç də asan başa gəlmədi. Mövsümün sonunu yaxşı keçiririk. Bu da məni ayrıca sevindirir”.  

Qeyd edək ki, 87 xalla Çempionşipin vahid lideri olan “Bernli” ən yaxın rəqibini hazırda 11 xal qabaqlayır.