Braziliyalı istedadın atası “Barselona” rəhbərliyi ilə görüşdü

“Atletiko Paranaense”nin gənc hücumçusu Vitor Rokenin atası Jyuvenal Ferreyra “Barselona” rəhbərliyi ilə görüşüb.

Futbolxeber.az saytının “Mundo Deportivo”ya istinadən verdiyi məlumata görə, Ferreyra Kataloniya klubunun nümayəndələrinə bildirib ki, oğlu “Barselona”ya keçmək üçün digər Avropa klublarının təklifini geri çevirib.

Daha əvvəl “Arsenal” Rokenin heyətinə qatmaq istəsə də, “yox” cavabı almışdı. “Atletiko Paranaense” isə Rokeni 40 milyon avrodan ucuz satmayacağını bəyan edib.

Qeyd edək ki, ötən il 17 yaşlı forvard 36 oyunda 7 qol vurub. Roke nəinki Braziliyanın, hətta Cənubi Amerikanın ən perspektivli gənclərindən hesab edilir.