“Fiorentina” yanvarda Amrabatı İngiltərəyə buraxmayıb

Sofyan Amrabatın yanvarda “Fiorentina”nı tərk etmək ehtimalı olub.

Futbolxeber.az saytının sport.es-ə istinadən verdiyi məlumata görə, “Mançester Yunayted” mərakeşli yarımmüdafiəçini heyətində görmək istəyib. Lakin Florensiya klubu 26 yaşlı futbolçusu ilə vidalaşmaq istəməyib. “Mançester Yunayted”in Amrabat üçün nə qədər pul təklif etdiyi açıqlanmasa da, klub rəhbərliyi yayda Amrabatı daha sərfəli qiymətə satmağı hədəfləyir.

Qeyd edək ki, cari mövsüm Amrabat bütün turnirlər nəzərə alınmaqla 39 matçda forma geyib. Transfermarkt onun dəyərini 25 milyon avro həcmində qiymətləndirir.