“Mbappe əla futbolçudu, amma Vinisius ən yaxşıdı”

“Real”ın sabiq yarımmüdafiəçisi Quti klubun hücumçusu Vinisius Junior barədə danışıb.

Futbolxeber.az saytının məlumatına görə, o, braziliyalı forvardı dünyanın ən yaxşı hücumçusu hesab edir:

“Mbappe “Real”ın nəyinə lazımdı? Bəli, Kilian əla futbolçudu, amma Vinisius daha yaxşıdı. Mənim üçün o, dünyanın ən güclüsüdü. Müqayisə etsək, Vinisius daha sürətlidi, daha texnikalıdı, üstəlik, qol və məhsuldar ötürmə sayında da fransız forvardı qabaqlayır. Həm də mənə görə, “Real”ın forvardı daha qətiyyətlidi”.

Qeyd edək ki, Junior Vinisius “Real”da 2018-ci ildən çıxış edir. 22 yaşlı forvard cari mövsüm 45 oyunda 21 qol vurub, 16 məhsuldar ötürmə verib.