“Napoli”nin müdafiəçisi: “Heç kim ehtiyatda qalmağı sevmir”

“Napoli”nin müdafiəçisi Leo Estiqor klubdakı hazırkı mövqeyindən danışıb.

Futbolxeber.az saytının məlumatına görə, norveçli müdafiəçi əsas heyətdə daha çox oynamaq istədiyini bildirib:

“Bəli, mən çox az oynamaq şansı qazanıram. Təbii ki, heç kim ehtiyatda qalmağı sevmir. Lakin hər zaman maksimum gücümü ortaya qoyuram. İstər məşqlərdə, istər oyunlarda. Həmişə demişəm ki, meydanda daha çox vaxt keçirmək istəyirəm. Ehtiyatda qalsam da, ruhdan düşməməyə çalışıram”.

Qeyd edək ki, Estiqor “Napoli”yə ötən yay “Brayton”dan keçib. 23 yaşlı müdafiəçi cari mövsüm 7 görüşdə meydana çıxıb və 1 qol vurub.