Ozan Canın qolu qələbə üçün kifayət etmədi

Niderland I divizionunda 33-cü turun oyunları keçirilir.

Futbolxeber.az saytının məlumatına görə, Azərbaycan millisinin yarımmüdafiəçisi Ozan Can Kökçünün formasını geyindiyi “Eyndhoven” səfərdə “Venlo” ilə qarşılaşıb. Oyun heç-heçə ilə başa çatıb - 2:2.

Oyuna ehtiyat oyunçular skamyasından başlayan Ozan 58-ci dəqiqədə meydana çıxıb. Millimizin üzvü 10 dəqiqə sonra komandasının 2-ci qolunu vursa da, bu, qələbə üçün kifayət etməyib. “Venlo” 84-cü dəqiqədə vurduğu qolla yenilgidən qaçıb.

Kökçü cari mövsümdə vurduğu qolların sayını 6-ya çatdırıb.

Qeyd edək ki, “Eyndhoven” hazırda 51 xalla 20 kollektiv arasında 7-ci pillədə qərarlaşıb.