Kurtua: “Barselona”nı məğlub edəcək gücdəyik”

“Real”ın qapıçısı Tibo Kurtua La Liqanın 26-cı turunda “Barselona”ya qarşı keçirəcəkləri oyundan danışıb.

Futbolxeber.az saytının məlumatına görə, belçikalı qolkiper komandasının El Klassikoda qələbə qazana biləcəyinə əminliyini ifadə edib:

“Bu matçda qələbə qazanmasaq, xal fərqini aradan qaldırmaq çox çətin olacaq. Ona görə qalib gələcəyimizə əminliyimiz var. Sona qədər mübarizə aparmaq üçün xal fərqini aradan qaldıra bilərik. Rəqibi mütləq təzyiq altında saxlamalıyıq. Yox, “Barselona” qələbə qazansa, onlar layiqli şəkildə çempion olacaqlar. Bu görüş kubokdan fərqli keçəcək. Birincisi, rəqib bu dəfə evdə oynayır. Üstəlik, kubokda cavab matçı olur. Hansında ki sən səhvlərini düzəldə bilərsən. Bu görüşün isə revanşı olmayacaq”.

Qeyd edək ki, “Barselona” və “Real” arasındakı matç martın 19-da “Nou Kamp”da keçiriləcək.