Benzema Deşam barədə danışmaqdan imtina etdi

“Real”ın hücumçusu Kərim Benzema Çempionlar Liqasının 1/8 final mərhələsində “Liverpul”a qarşı keçirilən cavab oyunundan (1:0) sonra Fransa millisinin baş məşqçisi Didye Deşam barədə danışmaq istəməyib.

Futbolxeber.az saytının məlumatına görə, oyunsonrası müsahibədə fransız forvard yığmanın çalışdırıcısı barədə suala belə cavab verib:

“Deşam? Onun haqda danışmaq istəmirəm. İndi onu yeri deyil. Mən bura “Liverpul”la görüş barədə danışmaq üçün gəlmişəm”.

Xatırladaq ki, Deşam DÇ-2022-in startına bir neçə gün qalmış zədələnən Kərim Benzemanın öz istəyi ilə yığmanın düşərgəsindən ayrıldığını bəyan etmişdi. Baş məşqçi qeyd etmişdi ki, futbolçu dekabrın 10-dan tez məşqlərə qoşulmayacağı üçün belə qərar qəbul edib. Lakin sonradan Benzema bu xəbəri təkzib edərək, Deşamın yalan danışdığını bildirmişdi.