“Kvaratsxeliyanın “Atalanta”ya vurduğu qol Maradona tərzində idi”

"Napoli”nin baş məşqçisi Luçano Spaletti komandasının üzvü Xviça Kvaratsxeliyanın A seriyasının 26-cı turunda “Atalanta” ilə matçdakı (2:0) çıxışını dəyərləndirib.

Futbolxeber.az saytının məlumatına görə, o, gürcü futbolçunun vurduğu qolla əfsanəvi Dieqo Armando Maradonanı xatırlatdığını bildirib:

“Atalanta” ilə görüşdə Kvaratsxeliya bizə nəyə qadir olduğunu bir daha göstərdi. Onun vurduğu qol futbol tanrısı Maradonanın tərzində idi. Xviça düzgün yoldadı. Meydanda nə edəcəyini əvvəldən bilmək olmur”.

Qeyd edək ki, Kvaratsxeliya cari mövsüm “Napoli”nin heyətində 28 matçda 13 qol vurub, 15 məhsuldar ötürmə verib.