Moratti: “İnter” böhrandadı”

“İnter”in sabiq prezidenti Massimo Moratti komandanın hazırkı durumunu dəyərləndirib.

Futbolxeber.az saytının məlumatına görə, o, Milan təmsilçisinin hazırda böhranda olduğunu bildirib: “Düzdür, komandanın heyəti güclüdür, yaxşı baş məşqçisi var, lakin hələlik nəticə yoxdu. “İnter” hazırda böhrandadı. Bəli, daha əvvəl də bu cür hallar olub. Lakin heyəti nəzərə alsaq, komanda daha artığına nail olmalıdı. Lazımi nəticənin qazanılmamasında bəzi futbolçuların formada olmamasının da rolu var. Məsələn, Lukaku bərbad çıxış edir. O, meydanda çox ləng görünür”.

Qeyd edək ki, hazırda “İnter” 50 xalla turnir cədvəlində ikincidi. Milan təmsilçisi lider “Napoli”dən 18 xal geri qalır.