Neymar “Bavariya”ya qarşı oynamayacaq

PSJ-nin hücumçusu Neymar Çempionlar Liqasının 1/8 finalının cavab görüşü çərçivəsində “Bavariya”ya qarşı keçiriləcək oyunda iştirak edə bilməyəcək.

Futbolxeber.az saytının məlumatına görə, bu haqda Paris klubunun baş məşqçisi Kristof Qaltye açıqlama verib:

“Qarşıdakı “Nant” və “Bavariya” ilə oyunlarda Neymar meydana çıxa bilməyəcək. Onun yoxluğu bizim üçün ciddi itkidi. Bu səbəbdən də müəyyən dəyişiklik etməli olacağıq. Neymarın yoxluğunda yarımmüdafiənin mərkəzində 3, hücumda isə 2 futbolçu yer alacaq”.

Xatırladaq ki, Neymar fevralın 19-da “Lill”ə qarşı keçirilən görüşdə (4:3) zədələnib.