“Arsenal” Saka ilə yeni müqavilə barədə razılığa gəldi

“Arsenal”la Bukayo Saka arasında aparılan danışıqlar müsbət yekunlaşıb.

Futbolxeber.az saytının məlumatına görə, tərəflər müqaviləni daha 5 illiyinə uzadacaqlar. Qarşıdakı günlərdə “Arsenal”ın bu barədə rəsmi açıqlama verəcəyi gözlənilir.

Qeyd edək ki, 21 yaşlı futbolçu cari mövsüm bütün turnirlər nəzərə alınmaqla London klubunun heyətində 33 matça çıxıb, 11 qol vurub və 9 məhsuldar ötürmə verib. Sakanın hazırkı müqaviləsi gələn ilin yayında başa çatır.