Nevill “Mançester Yunayed”in ən vacib 4 futbolçusunun adını açıqladı

"Mançester Yunayted”in sabiq kapitanı Hari Nevill komandanın hazırkı heyəti barədə danışıb.

Futbolxeber.az saytının məlumatına görə, veteran futbolçu 4 nəfəri komandanın aparıcı üzvü kimi gördüyünü bildirib:

“Ardıcıllıqla belə deyərdim: Kazemiro, Reşford, De Xea və Varan. Kazemiro komandaya bu mövsüm qoşulsa da, özünü ən yaxşı tərəfdən göstərə bildi. Digər üç futbolçuya gəldikdə isə, həm Varan, həm De Xea, həm də Reşford ötən mövsümlə müqayisədə xeyli artırıblar. Hazırda adını çəkdiyim futbolçuların hamısı əla formadadı”.

Qeyd edək ki, 26 fevralda İngiltərə Liqa Kubokunun finalında “Nyukasl”ı məğlub edən (2:0) “Mançester Yunayted” 2017-ci ildən sonra ilk titulunu qazanıb.