"Mahir Emreli 100 faizli qol şansından yararlana bilmədi"

“Öz meydanımızdakı bərabərlikdən məmnun dedyilik. İlk hissəni hesabda irəlidə tamamlaya bilərdik, amma rəqibə mane ola bilmədik”.

Futbolxeber.az saytının məlumatına görə, bu sözləri millimizin üzvü Mahir Emrelinin də çıxış etdiyi "Konyaspor"un baş məşqçisi Aleksandar Stanoyeviç Türkiyə Superliqasının 28-ci turunda evdə “Antalyaspor”la keçirilən oyundan (1:1) sonra deyib.

O, Mahir Emrelinin 100 faizli qol epizodundan yararalana bilməməsini qeyd edib: "Rəqib ilk yarıda bizdən daha üstün oyun sərgilədi. İkinci yarıda isə Aleksandr Pouzelo və Mahir Emrelini oyuna daxil etməklə matçda dönüş yaratmaq istədik. Ancaq Emreli və Çekici 100 faizli qol epizodlarından yararlana bilmədi. Qələbə qolunu vura bilmədik”.

Qeyd edək ki, "Konyaspor" hazırda 36 xalla (27 oyun) 8-c pillədə qərarlaşıb. Qışda Zaqreb "Dinamo"sundan Konya təmsilçisinə icarə əsasında keçən Mahir bu komandada 4 oyuna çıxıb və hələlik qol vura bilməyib.