“Olimpiakos” Rodrigesi heyətində saxlamaq istəyir

“Olimpiakos” Xames Rodrigeslə yeni müqavilə imzalamaq istəyir.

Futbolxeber.az saytının məlumatına görə, Yunanıstan klubu kolumbiyalı futbolçu ilə sözləşməni 2024-cü ilin yayına kimi yeniləmək arzusundadır.

31 yaşlı hücumçunun hazırkı müqaviləsi cari mövsümün sonunda bitir.

Daha əvvəl “Beşiktaş”ın Xamesi heyətinə cəlb etmək istədiyi barədə məlumatlar yayılıb.

Qeyd edək ki, Rodriges cari mövsüm “Olimpiakos”un heyətində meydana çıxdığı 21 oyunda 6 dəfə fərqlənib.

Daha əvvəl o, “Everton”, “Real”, “Bavariya”, “Monako”, “Portu” kimi tanınmış klublarda forma geyib.