Klopp: “4 nəfər normal oynadı, digərlərinin harda olduğunu bilmirəm”

“Liverpul”un baş məşqçisi Yurgen Klopp İngiltərə Premyer Liqasının 29-cu turunda “Mançester Siit”dən aldıqları 1:4 hesabı ilə məğlubiyyəti şərh edib.

Futbolxeber.az saytının məlumatına görə, alman mütəxəssis komandasında yalnız 4 futbolçunun matçı normal keçirdiyini söyləyib:

“Artıq neçənci dəfədir ki, biz bu stadionda ilk hissəni belə keçiririk. “Siti” topa daha çox yiyələnsə də, bizim yaxşı əks-hücumlarımız olurdu. Komanda sakit görünürdü, epizodlarımız var idi və rəqibə çətinlik yaradırdıq. Əla qol vurduq, daha bir neçə şansımız oldu. Lakin bəxtimiz gətirmədi və rəqib hesabı bərabərləşdirdi. Fasilədən sonra qapımızda 2 qol gördük və bu, komandanı sındırdı. Buraxdığımız qollarla barışmaq asan deyil. Hesabda önə keçdikdən sonra rəqib tamamilə üstünlüyə yiyələndi. Cəmi 4 futbolçu oyunu normal keçirdi, digərlərinin isə harda olduğunu bilmirəm”.

Qeyd edək ki, hazırda “Liverpul” 42 xalla turnir cədvəlində altıncı yeri tutur.