Quti Kvaratsxeliyaya imzalı formasını göndərdi: “Səni “Real”da gözləyirəm”

“Real”ın keçmiş oyunçusu Quti imzalı formasını “Napoli”nin üzvü Xviça Kvaratsxeliyaya göndərib.

Futboxleber.az saytının məlumatına görə, veteran futbolçu forması ilə yanaşı, gürcü yarımmüdafiəçiyə məktub da ünvanlayıb.  

“Mənim futbolumu sevdiyim üçün sənə təşəkkür edirəm. Sənin sərgilədiyin futbol da bir çox uşaqların bu oyunu sevməsinə səbəb olacaq. Ümid edirəm ki, göndərdiyim futbolkanı bəyənəcəksən. Səni “Real”da gözləyirəm. Ümid edirəm ki, tezliklə görüşəcəyik”, - deyə məktubda qeyd olunub.

Xatırladaq ki, bir müddət əvvəl Kvaratsxeliya Qutinin onun kumiri olduğunu bildirmişdi. Xviça əlavə etmişdi ki, heç vaxt “Real”ın sabiq ulduzunun formasını əldə edə bilməyib və buna görə də uşaq vaxtı ağ formaya markerlə 14 rəqəmini yazırdı.