"Trabzonspor"un prezidenti istefa verdi

"Trabzonspor"un prezidenti Ahmet Ağaoğlu klubdan ayrılıb.

Futbolxeber.az saytının məlumatına görə, bu barədə o, tviter hesabında paylaşım edib:

"Məndən sonra vəzifəyə gələcək dostlarımın klubumuzu çox daha yüksək səviyyəyə çatdıracaqlarına və onu uğurla idarə edəcəklərinə bütün qəlbimlə inanıram. Yeni təyin olunacaq klub prezidentinə və idarəçilərə dəstək olmaq ən böyük istəyimdir".

Qeyd edək ki, Ahmet Ağaoğlu 2018-ci ildən "Trabzonspor"un prezidenti idi. "Trabzonspor" onun dövründə ötən mövsüm Türkiyə Superliqasının çempionu olub. Bu, "Trabzonspor"un 1982/83 mövsümündən sonra ilk çempionluğudur.