Qvardiola: “Çempion son 8-10 oyunda müəyyənləşəcək”

Dünən “Arsenal”ı 3:1 hesabı ilə məğlub edən “Mançester Siti”nin baş məşqçisi Xosep Qvardiola çempionluq mübarizəsi haqda danışıb.

Futbolxeber.az saytının Britaniya mətbuatına istinadən verdiyi məlumata görə, ispan mütəxəssis bildirib ki, indidən hansı komandanın çempion olacağını söyləmək üçün tezdi:

“Düzdür, qələbə sayəsində liderliyə yüksəldik. Lakin unutmaq olmaz ki, “Arsenal”ın ehtiyatda 1 oyunu var və həmin matçda qələbə qazanaqları halda yenidən birinci yerə çıxacaqlar. Ümumiyyətlə, indidən hansı komandanın qızıl medallara sahib çıxacağını demək çətindi. Mövsümün sonuna hələ 15 tur var. Məncə, çempionluğun taleyinə son 8-10 oyunda aydınlıq gələcək. Növbəti oyunlarda da inamlı çıxış etməliyik. “Arsenal”la matçın ikinci hissəsində komandam xarakter nümayiş etdirdi”.